سلام دراري كنت كتبت واحد المرة أن كولشي في الأنترنيت كيتمحور حول البيانات, عموما كيفاش كنهيكلوا داك
البيانات, تنرتبوا داك البيانات إلخ…
ولكن نسينا واحد الحاجة مهمة, كيفاش يمكن لينا نخدموا داك البيانات ولا بصفة أدق كيفاش يمكن لينا نتبادلوا ولا نتشاركو داك البيانات بيناتنا.
Networking - الريزو
*ملاجضة هد المقال بضبط موجه بصفة أخص لناس للي كيقراو الشبكات + أنا مجرد محب لمعرفة كيفية عمل الأشياء معندي تعلاقة بشبكات.
العصر الحجري:
خلينا نتخايلوا أن كاين 4 ديال الناس فواحد الغرفة كيهدرو بناتهم واحد العضرة نضامية يعني ميمكنش جوج نتاع الناس يهدرو في دقة وحدة, خاص يهدر واحد وحنا كنسمعو ليه نخليوه يسالي هدرتوا من بعد ندوزو لوحداخر يهدر حتا هو يسالي هدرتوا وهدا دولي… محد دا 4 ديال الناس في غرفة وحدة في الامكانية ديال أن الهدرة نتاع أي شخص فيهم أنها تسمع فهي باينة. ولكن إلى فرقناهم على 4 نتاع الغرفة مختالفة كل شخص في غرفة ؟ هنا اتكون القدية ممسموعاش وخا تعيا تهدر بقيتي تما تواحد مغادي يسمعك. نقدرو نحلو هد المشكلة ب أننا نديرو واحد الكابليات بين الغرف. وكل واحد عندو الإمكانية أنه يهدر من خلال داك الكابلي للي كيوصل الهدرة ل 3 نتاع الناس لخرين. بمعنى كل شخص x غادي يكون عندو كابلي مربوط ب 3 نتاع الكبليات وحدين خرين من خلالهم تتوصل الهدرة لداك 3 نتاع الناس لخرين من كيهجر الشخص الرابع زائد خاصنا نتأكدوا أن شخص واحد كيهدر فكل لحضة t.
عموما هكدا كانت الفكرة للي تبازاو عليها باش يختارعوا الهاتف. مجموعة من الكبليات مربوطين مع بعض مع واحد الرقابة للي تخلينا نديرو مكالمة وحدة بين جوج نتاع الناس فقط فكل لحة t , بمعنى ميمكنش يهدروا جوج نتاع الناس فنفس الوقت.
كانت هد الفكرة مكلفة بزاف وكلما زاد المسافة بين المرسل و المستقبل تتزاد التكلفة كثر
(بحيث إلا كنتي في أروبا و هدرتي مع واحد ف أمريكا فراك تتقطع جميع الإتصالات من اروبا إلى أمريكا حتا تسالي نتا عاد يمكن يستقبلوا مكالمة أخرى… بطبعت الحال تتقطع الجهة للي تتكون متاصل بيها نتا)
الحاواسيب ؟
نفس الفكرة خلينا نتخايلو أننا عندنا 4 نتاع الحاواسيب هد المرة مربوطين مع بعض بواسطة كابلات, فيمكن لينا نتشاركوا المعلومات أو الباينات ولا أي حاجة أخرى بناتهم بشرط أن ميمكنش جوج حاواسيب يسيفطو فنفس اللحطة. مزيان هدي كنظن مفهومة.
نكبروا شوية القدية : Link Layer
مدينة فيها 20 ألف حاسوب ونخدمو نفس المبدأ.
(هنا في عملية ربط الحاواسيب مع بعض أتختالف القدية شوية بحيت ميمكنش أن كل حاسوب يكون عندو 20 ألف كابلي باش يقدر يوصل لكل الحاواسيب, على العكس غادي نستاعنو بواحد الحاسوب موجه للي غادي يكون مثلا موجود في واحد الحي وجميع الحواسيب للي فداك الحي مربوطة فيه وهكدا دولي كل حي فيه مثال لداك الحاسوب وجميع الحواسيب المسؤولة للي كاينة في الاحياء مرتابطة مع بعض بهد الطريقة كنقصوا علينا شوية نتاع الكبيليات وهكدا نقدرو نطبقوها على المدن أن كل مدينة يكون فيها حاسوب مسؤول و نربطو بين المدن من خلال جميع الحواسيب المسؤولة في المدن و كدالك دولي للبلدان…)
أجي اسيدي نشوفو كيفاش يمكن لينا دبا نسيفطو المعلومات : Tronsport Layer
نفس المبدأ غادي نسيفطو معلومة فكل مرة, بمعنى واحد من داك 20 ألف واحد هو للي يمكن ليه يسيفط فنفس اللحظة خاص نتسناوه تيسالي على خاطرو عاد يدوز للي موراه(بطبعت الحال الى كان فنفس الكابلي نتاعك وماشي كلشي 🙂…) بحيت بستعمال هد الطريقة مكنكونوش عارفين شحال ديال الوقت غادي تستغرق الحاجة للي سفطنا تقدر تاخد ت سيمانة نتاع الوقت ولكن كانت بأي حالة حسن من الطريقة التقليدية.
أسيدي زيد شرح لينا : Interworking Layer
أول حاجة خاص نعرفو الحاسوب المرسل من المرسل إليه باش منصدقوش مسيفطين داك شي لشي حاسوب وحداخر. حلينا هد المشكلة بستعمال IP Address بحيت كنعطيو واحد الرقم فريد لكل حاسوب مثلا 196.12.0.01.1 وهكدا كتكون القدية بانية مثلا
غادي نسيفطو واحد الرسالة من الحاسوب 196.12.0.01.1 ل الحاسوب 196.13.0.01.1.
بالمناسبة IP تيشير لبزاف نتاع الحوايج من غير التعريف, بحال البلاصة للي تتسكن فيها ومن نهنا نقدروا لقاو ليك أحسن طريق باش نوصلو ليك المعلومات نتاعك.
مع دبا البشار بزاف تيخدوا الحواسيب داك الأرقام (196.13.0.01.1) للي كانو تسلاو عليها زادو عمرو داك الفورما من IPV4 ل IPV6.
على العموم في لول باش نشاركوا المعلومات بينا كنا كنخدمو بطريقة store and forward بمعنى الطريقة للي تتمشي بيها الرسالة نتاعنا هي :
انا فاش تنسيفطها من عندي أول حاجة تتشوف أقرب حاسوب للي يوصلها ل الحاسوب الرئيسي للي في الحي نتاعي, فاش تتلقاه (بستعمال خورزميات معينة + التجربة)
تتسيفط الرسالة ككتلة واحد. ركزو ليا مزيان على هد كتلة واحد لأنها غادي دير لينا واحد المشكل خطير…
معلينا فاش تتوصل الرسالة ديالي من عندي ل أقرب حاسوب ل الحاسوب الرئيسي في الحي نتاعي من بعد بنفس الطريقة تتسيفط للحاسوب الرئيسي في الحي من بعد بنفس المنطق للمستلم.
(تتبقا غادا من حاسوب ل حاسوب لحاسوب لحاسوب لحاسوب لحاسوب وفين ما مشات خاصها تأنسطالا مصيبة هدي حتا تتوصل😂)
هنا عندي مشكلة أن مثلا أنا إلا كنت انسيفط ملف فيه 1G لواحد المستلم و جا واحد مورايا بغا يسيفط ملف فيه 1MG غادي يتسناني أنا حتا نسيفط هد الملف للي فيه جيجا عاد يسيفط هو, أش هد العبت (محيت عندنا 20 ألف مستخدم تخايل معااااااا 🌚) مصيبة هدي.
شنو هو الحل نعام اسيدي هو غادي نقسمو داك الرسالة ل packet 🙂
وكل باكت متعداش المساحة نتاعها مثلا 1KB بحيت :
منين أنا نبغي نسيفط شي رسالة داك الرسالة غادي تقسم لمجموعة نتاع packets وفعاوط داك الشخص لاخر للي تيتسنا ميتسنا حتا نسيفط أنا رسالة كلها غادي يتسنا غير packet لول يمشي من بعد تهو يسيفط packet ويرج ليا عاود نفس القدية.
هدي حلات لينا مشكلة إلا أنا كنت مسيفط ملف فيه 1جيجا ونتا واحد ملف فيه 1ميغا فراه ديال 1 ميغا غادي يوصل هو لول واخد يكون داك مول 1 جاجا سيفط هو لول.
واااااااع وعدنا مشكل وحداخر : TCP
رد البال منين قنا أننا غادي نفرقو الرسالة ولا الملف ل مجموعة نتاع packet هنا تخلقات لينا واحد المشكلة, مع أن كل باكيت تتسيفط بحدها ومع عارفين أننا مكينش طريق محددة للي تتمشي عليه داك packet بمعنى تقدر تمشي فأي طريق للي تتلقاها خاوية. هنا تقدر توصل الباكيت الثانية قبل اللول , وهنا بكل بساطة منين غادي يجيو يتجمعو الباكيتات مع بعض غادي يكون الترتيب نتاعهم غالط ادن مغادي يعطيو تشي نتيجة.
هنا كيجي البروتوكول نتاع TCP للي كيحل لينا هد المشكلة من خلال واحد العملية كيضمن لينا أن كل packet تكون في المكان المخصص ديالها.
Server - client art
هنا بطبط غادي نعرفو شنو هو :
SERVER
CLIENT
DNS
HTTP & HTTPS
هدي نخليوها حتى المقال الجاي.
بطبعت الحال فهد الشرح المختصر ميمكنش تدكر كولشي. مثلا واحد النقطة للي تتبالي مهمة. أنك منين يلاه تتدخل الويفي لداركم في الايام الاولى تتكون تتعتامد على الرتور نتاع اقرب جار نتاعكم في الاتصالات. حقاش الرتور الجديد تيكون جاهل بطرق المختصر للي يقدر يوصل بيها الطلبات نتاعك, عليها تيعتامد على الداكرة نتاع الروتور نتاع اقرب جار * ROUTER TABLE (متشوف جارك دخل الويفي عرف بلا غتكون نتا هو الطريق نتاعو الحبيبي) وقص على دالك بزاف نتاع الحوايج أخرى.