إلى أين ؟جمعة مبارك.
ها قد حان موعد إنتهاء عصر الصفر و الواحد [0,1] أو ما يصطلح عليه النظام الثنائي (Binary System) !!
شنو هو بعدا هد النظام الثنائي : هو النمط الكهرومغناطيسي لتيخزن عليه القرص الصلب (HDD,SDD) المعلومات بالإعتماد على المغناطيس في (hdd), على العموم كفاش تيخم. نتا بمجرد انك تتقوم بتحميل (ملف, صورة, مجلد...) على حساب هد الهدرة فهد الانواع من الوسائط تتحول لكاين ولا مكاينش بمعنى [0,1]
واحد كاين زيرو مكينش… وهكدا بصفة عامة التخزين ديال المعلومات تيكون على شكل bit لي هو 8e+6 mbit 1 , مثال الصورة تتحول على شكل bits او تتقسم لواحد العناصر لصغار بزاف ميمكن تزيد تقسم عليهم, وتيتم التخزين نتاعهم بطريقة عشوائية. وكيف ما قلنا كتكون كاين ولا مكاينش يعني [0,1] يعني off on
وهكدا تتعالج البيانات بالعتماد على النظام الثنائي [0,1] بصفة عامة.
الانتقال الحاسوب الكمي!!!
هنا انطرحوا شي اسئلة باش نحاولوا نفهموا المغزى.
كفاش تيخدم الحاسوب الكمي؟ علاش الحاسوب الكمي ؟ فوقاش غيكون متوفر الحاسوب الكمي ؟ ثلاثة نتاع الأسئلة غادي نجاوبوا عليهم فهد المقال نشاء الله.
قبل خاصنة نكونوا عارفين شي حوايج باش تسهل علينا مسألة إستعاب مفهوم الحاسوب الكمي كفاش تيخدم.
الاسم تنظن انه مؤلوف؟ "ميكانيك الكم" اه هو هداك الاسم مشتق في الفيزياء الحديث دبا على هد الاساس النظام الثنائي كان معتامد على الفيزياء الكلاسيكية (فيزياء نيوتن ...) اه تماما كان تيعتامد عليها.
هنا تنضن ان الأمور ولات اكثر وضوح عندنا هنا نتقال العمل من الحسابات القديمة إلى الحسابات الجديدة مع الخصائص نتاعها وجُل التقدم و المعرفة الدقيقة لولينا تنعرفو على "الذرة "أوكيفية العمل نتاعها, وااا شنو هي هد الذرة اصاحبي بعدا, وخا غير بشوية عليك.
|- الذرة هي أصغر حجر بناءٍ أو أصغر جزء من العنصر الكيميائي يمكن الوصول إليه والذي يحتفظ بالخصائص نتاعو الاصلية هد التعريف البسيط من ويكيبيديا حنا معندنا منديروا بيه, الاهم الذرة كانت تتعتابر اصغر جزء يمكن يوصل ليه الانسان فهد العالم يعني مكينش شي حاجة صغر من هد العجب ولكن مع ختراع اول مصباح في العالم من طرف توماس إديسون العلماء بداو تيطرحوا اسئلة ومن اهم هد الاسئلة علاش السلك منين خدا الطاقة تحول اللون نتاعو يعني شعل الضو ؟ علاش ستقر السلك في اللون الابيض؟ مكينش جواب فداك الفترة !! حتا جا واحد العالم وقام بتجربة نتاعو الشهيرة و كتشف ان الذرة هي على شكل المجموعة الشمسية وكاين فراغ بينها وبين الإلكترونات وهوما تيدوروا عليها على شكل دوران الكواكب على الشمس أوووو ماشي لاصقين فيها كيف ما كان معروف. أو نتيجة لضرب الالكترون بطاقة فهو تينتاقل من مدار لمدار ونتيجة لنتقال نتاعو تيتبدل اللون نتاعو وفاش تيوصل لآخرمدار تيستاقر للون نتاعو في اللون الابيض, واااع وحنا باش غينفعنا هد شي وغير بشوية عليك مالك, هنا رجعنا لزيرو يعني ولينا جاهلين بزاف نتاع الحوايج وخصوصا فاش كتاشف البيرت اينشتاين ان الضوء عندو كتلة !!! (منين ضربنا الإليكترون بالطاقة لهي الضو نتاقل من مدار نتاعو لمدار آخر يعني هنا الضوء راه عندو كتلة منين ستاطع يحرك الالكترون من مدار لآخر), كيفاش هد شي وكيفاش نتاقل الإلكترون من المدار لآخر ؟؟ معرفناش كيفاش دار !! زعما واش صافر عبر زمن !!! ولا انه عندو رتباطات أخرى!! هد المشكلة ديال كفاش تينتاقل الجزيء راه صعيبة في الفهم.
ولكن الاساس لجات بيه ميكانيك الكم هو الى كانوا جوج نتاع الجزيئات مرتابطين وتفرقوا فراه تيبقاو محافظين على نفس الخواص نتاعهم منين كانوا مجموعين! أو باش تفهم الفكرة مزيان عندي ليك مثال اللفة المنزلية, الالكترون هو تيدور ولكن حتا للحظة لتنشوفوه فيها تيستاقر فواحد الوضعية.
وهد وضعية الدوران يا غتكون على دوران عقارب الساعة أو العكس ! كتشبه للعجلة الدوارة منين تتوقف على الدوران تتوقف فشي لون على حسب الالوان للي فيها. تخايل دبا معايا واحد العجلة ثانية وتصرفوا هد جوج نتاع العجلات ك إلكتروناين كانو مترابطان وتفرقوا فهنا الى العجلة لولة بقات تتدور وحبسات فشي للون فثانية مضمونة غادي توقف فنفس اللون. فهنا ميكانيك الكم مشات بعد من هدا فهية تقدر تنبأ بمكان العجلة الثانية (يعني الإلكترون) وخا يكون على سطح القمر!! أو ما كاين تشي روابط تتجمعهم ببعضياتهم بعد ما تفرقوا ومع دالك الى توقفات العجلة اللولة فشي للون ومشيتي لثانية للي على سطح القمر غتلقاها فنفس اللون !
وقياس على هدا الى قمتي بقياس شي جزيء هنا فنتا متتأثرش غير عليه بل تتأثر حتى فلاخر للي كان ملاصق معاه. مهما كانو بعاد على بعضياتهم, ميكانيك الكم عجيبة !
Mohammed Janati, [2/13/22 2:32 PM]
فهنا ندوزوا لسؤال نتاعنا للي هو كفاش تيخدم هد الكمبيوتر الكمي ؟ تخايل معايا ان النظام الثنائي تيخدم ب [0,1] متفرقين بناتهم تخايل معايا الى جمعناهم ! رجع عندنا البيت الكمي, لملاصقين فيه جوج بيتات السالب و الموجب [0,1], فهنا متخايلش معايا الامكانيات للي غيوليو عندنا.
هنا غنمشيو لتطبيقات باش تزيدوا تفهموا.
كل سنة تيقوم واحد الموقع بجرد أكثر كلمات المرور إستخدام و فسنة 2019 كانت القائمة على الشكل التالي
1. 123456
2. 123456789
3. qwerty
4. password
5. 1234567
6. 12345678
7. 12345
8. iloveyou
9. 111111
10. 123123
11. abc123
12. qwerty123
13. 1q2w3e4r
14. admin
15. qwertyuiop
16. 654321
17. 555555
18. lovely
19. 7777777
20. 888888
21. princess
22. dragon
23. password1
24. 123qwe
25. 666666
هدو هوما اكثر 25 كلمة مرور استخداما في العالم اجي نشوفو شحال ديال الوقت خاصنا باش نختارقو هد كلمات المرور بالستخدام طريقة Brute Force (طريقة الاختراق تنخدمو فيها جميع الاحتمالات الممكنة باش لقاو واحد المفتاح كيفاش ما بغا يكون!!
مثال على هد الهدرة تخايل معايا بغينا نرتبو واحد المصفوفة من اصغر عنصر للأكبر بستعمال Brute Force
Input is :
Array = [5 , 4 , 0 , 3 , 1 , 2]
Code with java
For (int i = 0 ; i<lenght-1; i++)
{
For (int j = 1 ; j<n ; j++)
{
if(arr[i]>arr[j];
Int temp = arr[i];
Arr[i] =arr[j];
Arr[j] = temp;
}
}
Output is :
[0 , 1, 2, 3 ,4, 5]
هنا طبقا فكرة n*n يعني طول المصفوفة فراصو يعني ختبرنا كل العناصر باش نووصلو لهد النتيحة لهي ترتيب كل العناصر من الاصغر للأكبر هدي هي Brute Force
)
اجي هنا نديرو واحد كلمة مرور شوية معقدة بحال !@#$%$#@#$%^&*)&&&@&@*#*&@*@@*258454949496@$&@&@&@&41458547544512JWBOFVOWURjbosjBDVOJSBFVO#$!#^!#%&@%!#
كنظن ان كلمة المرور هدي خاص الكمبيوتر العادي سنوات باش يحلها ولكن الكمبيوتر الكمي يقدر يلقاها في ساعات الى مقلناش دقائق معدودة.
هنا تنخرجوا بأن الكمبيوتر الكمي غادي يتستخدم لختراق منضومات حكومية, و الكثير نتاع الاهداف الأخرى.
فوقاش غادي يوصل لينا هد الحاسوب الكمي حاليا الابحات و النتائج هي قليلة وغير كافية لهد شي لتنقولو مغير ان شركة ibm دارت حاسوب كمي سحابي وشركة GOOGLE خدامة على نفس الموضوع…