منقدرش نقولك بلا هدي اتكون احسن مقدمة ليك باش تدخل لعالم البرمجة ولكن انحاول انها تكون.
انا محمد الجناتي طالب و كندرس علوم الحاسوب. كنتمنى تستمتع ونتا تتقرا معايا فهد المقال المختصر. و كنتمنى انه يكون كافي ليك باش تكمل معايا الخدمة لجايا فطريق. على بركت الله
1- شنو هي Java
2-خصائص نتاع Java
3-شنو هي مكتبة برمجية
4-مكتبة JDK
5-المتغيرات
6-Data Types
7-Operators in Java
شنو هي Java :
انا ماشي سوقي تعرفلي جافا شنو هي ولكن يكفي تعرف ليا انها لغة برمجية يعني عبارة على مجموعة من التعليمات البرمجية. وهي عالية المستوى و تتستعمل في جميع المجالات تقريبا (عنيت بالمجالات المجالات التقنية طبعا).
خصائص نتاع Java :
هنا اركز اكثر. لأن الهدف نتاعي هو نبيلك شنو يمكن ليك دير بهد اللغة البرمجية إلا تعلمتيها (كما جاء على لسان احد الاعضاء "شنو يمكن ليا ندير إلا تعلمت لهد اللغة البرمجية"). ولا بمعنى اخر الخصائص ديال هد اللغة البرمجية.
معندهاش خصائص. اه كيف ما سمعتي.
وخا هد اللغة البرمجية معندهاش خصائص ولكن علاش غادي نتعلمو ليها ؟
شكون قالك حنا غادي نتعلمو ليها ؟
تبع معايا. انا داير اللغة البرمجية غير طريق باش نتعلمو البرمجة لان هد جوج المصطلحات بعاد بزاف على بعضهم.
كاين فرق بين انك تعلم لغة برمجية وبين انك تعلم البرمجة.
شنو هو الفرق إدن ؟
اللغة البرمجية هي عبارة على مجموعة نتاع الادوات لتصوبات على يد مبرمجين. وبصفة عامة مجموع هد الادوات تنطلقوا عليه اسم مكتبة برمجية.
هنا انا شنو بغيت نعلمك بغيت نعلمك كيفاش تصاوب هد الا الادوات البرمجية.
وخا كيفاش غندير نصاوب هد الادوات البرمجية هنا خاصك اساس لغادي تخدم عليه كأي مهندس برمجيات اساس برمجي (تعليمات برمجية )
لتخدم بيهم. هنا غادي نحتاجو Java فقط لتطبيق افكار عندنا على ارض الواقع.
(مثلا نقدروا نصاوبوا واحد البرنامج لغادي يخرج لينا جميع المعدلات نتاع الفيزياء)
هنا غادي نعطيوه القواعد كوظائف (function). وغادي نعطيوه المساءل الفزيائية على شكل مدخلات(input). و في الاخير غادي يكون واحد الحل على شكل مخرجات(output). هدا مثال و هناك من الامثلة العديد.
وخا وحنا بغينا نصاوبو هد شي شنو خصنا ؟
خاصك طريقة لتقدر انك توظف فيها هد التعليمات البرمجية.
وكيفاش يمكن ليك انك توظف هد التعليمات البرمجية كاين جوج.
يا تكون دكي ولا تكون تتدير واحد الشحد لدكاء نتاعك. وحدة فهد جوج مكينش شي حاجة ثالثة.
مغديش نقول ليك كيفاش يمكن ليك تكون دكي حيت هدي هبة ربانية.
ولكن انقول ليك كيفاش تشحد هد الدكاء نتاعك.
عن طريق انك تشوف بزاف نتاع الطرق (عنيت بالطرق تشوف بزاف نتاع الوظائف كيفاش تتصاوب وتحاول تطبق بحال داك شي لتتشوف و مع الوقت تبدا تزيد شي حاجات من دماغك وفاش تحس راك فاهم تبدا تصاوب وظائف صغيرة (برامج صغيرة) وفاش تحس براصك متمكن تبدا تصاوب برامج كبيرة و اكثر تعقيد)
وخا واش غنجي وغادي نبقا ندير هد شي مخصني تشي حاجة من قبل ؟
لا خاصك اصديقي !!
فنظرك الى مشتي لشي وظيفة نتاع شي واحد وحولتي انك تشوف فيها وتحاول دير داك الخطوات لقلت ليك واش غادي تقدر ؟ انا نجاوبك !! لا متقدرش محيت مغديش تفهم داك الوظيفة نتاع داك الشخص من الاساس (تنقصد بالوظيفة البرنامج بحال البرنامج لقلت ليكم تيخرج المعدلات نتاع الفيزياء)
وخا الا بغيت نفهم شنو ندير ؟
خاصك تقرا كيفاش من اللول تتبنا هد الظيفة ؟
وخا كيفاش تتبنا هد الوظيفة ؟ هي في الاساس عبارة على مجموعة نتاع الوظائف الصغيرة. تتجمع وتتشكل لينا وظيفة.
وخا منين تتشكل هد الوظيفة الصغيرة ؟
تتشكل من مجموعة نتاع الخطوات !!
وشنو هي خطوة ؟
هي طريقة !!
وشنو هي الطريقة ؟
هي خوارزية (في عالم نتاع الحوسبة الطريقة تتسمى خوارزمية حيت في الغالب الطريقة تتكون دكية و ادق اسم لنقدرو نطلقوه على طريقة دكية في فعل اي شيئ هي خوارزمية). بمعنى ان الاساس نتاع داك الوظيفة هو مجموعة نتاع الطرق لهوما في الاساس مجموعة نتاع الخورزميات.
وخا كيفاش نقدر نتعلم هد الخورزميات او الطرق الدكية ؟
بطبعت الحال نتا مغديش تولي تختارعهم من الول !!
كاين الالاف نتاع الخورزميات على الانترنيت.
واش غادي ندوز على خوارزمية بخوارزمية ؟
لا هنا غادي تبقا حياتك كلها ومغدي تدير والو. عندي ليك طريقة احسن.
اتعلم كيفاش انك تصاوب خوارزمية على حساب داك شي لمحتاج نتا.
Mohammed Janati, [2/13/2022 2:32 PM]
مثلا بغينا واحد الخوارزمية لغادي تجمع لينا جوج نتاع الاعداد ؟
وخا نديروها مجموعين
Function(input(number1 , number2))
{
Sum = Number1 + Number2;
{
هدي وظيفة تقدر تصاوبها راصك من بعد متكمل معايا جوج نتاع الحصص.
لهي جمع جوج نتاع الاعداد.
ولكن عندي واحد السؤال واش كل الوظائف تتكون ساهلة بحال ؟
بطبيعت الحال لا !
كاين وظائف تتكون معقدة بزاف تنحتاجو بزاف نتاع الحوايج باش نتعاملو معاها او بالاخرى كنحتاجو مجموعة نتاع الحوايج باش يسهلو لينا التعامل معاها.
اه كاين مجموعة نتاع الحوايج ليقدرو يسهلو التعامل ديالك مع اي وظيفة كيف ما بغات تكون.
وهد الحوايج بظبط هوما لخصنا نتعلمو !!
أو هد شي لغادي نعلمكم انا نشاء الله.
من بعد معرفنا شنو غادي نتعلمو بظيط ندوزو نشوف هد التعليمات البرمجية التافهة و ساهلة بزاف.
بطبعت الحال هد شي لغادي نتعلمو كيتطبق بأي تعليمات برمجية كيف ما بغاو يكونو ولكن حنا غادي نتعاملو مع جافا حيت هي لتقدر تكون كبداية ليكم مزيانة.
شنو هي مكتبة برمجية :
كنظن دبا مكين لاش نشرح مكتبة برمجية حيت وليتو عرفينها مزيان.